羅敏莊與陳國邦到靈堂打點。

【on.cc東網專訊】 藝人羅敏莊父親羅世泉早前因癌症離世，今假世界殯儀館舉行安息崇拜，明日舉殯後會火化並將骨灰撒入大海。她由老公陳國邦陪同到靈堂打點一切，禁不住哽咽謂：「佢60幾歲，估唔到咁早（走），不過自問都算孝順女，成日同佢講愛你，佢生前（我）又成日帶囡囡陳禛去探佢。」

由於早前陳國邦出埠工作關係，故喪禮延至今日才舉行。他讚外母全程表現堅強：「佢好快就接受得到。即使第2日冇靈位紀念，但外父留畀我哋無限回憶。」

陳國邦講起外父時，羅敏莊緊抿嘴唇。

羅敏莊表示父親會採海葬儀式。

ON.CC

羅敏莊偕夫婿陳國邦於下午四時左右抵達殯儀館打點。

羅敏莊父親羅世泉因為患有多發性骨髓瘤，本月初病逝，羅敏莊當晚因為一早答應要出席活動，未能見父親最後一面。羅敏莊當時受訪謂:「我哋呢行應承人就要做，show must go on，佢走嗰時，我仲要唱騷，以前講笑話有人走要以笑迎人，點知現實發生咗，騷前有同爹哋講，爹哋當然支持。」

羅父今日於世界殯儀館設靈，羅敏莊偕夫婿陳國邦於下午四時左右抵達殯儀館打點。羅敏莊表示心情已平伏了點。由於陳國邦早前身在多倫多及內地參與演出，故要等他返港後，才能為羅父舉行喪禮，而且只邀請親友出席。喪禮以基督教儀式進行，羅敏莊為爸爸一手包辦喪禮事務，包括領詩等等。

羅敏莊表示，父親患病不足一年，醫生指羅父是多發性骨髓瘤，病症屬罕見，過去一年有接受電療及化療，病程算是有進展。

羅敏莊說：「爸爸有靠藥物，走得唔係太辛苦，不過佢60幾歲，仲算後生，但我哋始終要面對事實。」女兒陳禛只得一歲多點，未知公公已然離開了，羅敏莊說：「唔知點同佢解釋，佢得歲幾。」

陳國邦就謂：「之前有多啲帶陳禛俾公公見，岳父見到陳禛好開心，係一份禮物，今日帶嚟唔知點照顧，等聽日上山先送別，岳父同陳禛嘅相會放係facebook紀念。」

羅敏莊指家人開通，而且骨灰位難求，故父親的骨灰將撒落大海，而家中會擺放羅父的照片作紀念。羅敏莊話：「之前都有趁爸爸喺度，同佢講我愛你。」

羅敏莊稍稍欠身，以示感謝關心。	羅敏莊歎父親才六十多歲便離開了：「仲算後生，但我哋始終要面對事實。」
陳國邦默默支持愛妻

http://hk.apple.nextmedia.com/