黎耀祥笑蕭正楠趕返屋企湊B
蕭正楠（Edwin）、黎耀祥（祥仔）及胡定欣等昨日於數碼港拍攝新劇《商戰》外景。近日被指與黃翠如向無綫請假旅行的Edwin，昨日首度開腔澄清未有計劃與女友旅行，但拍畢劇集後會到澳門及上海工作，九月才拍新劇，故旅行亦毋須請假，又表示最近成為兄弟好友的取笑對象：「佢哋（指同劇的黎耀祥、陳國邦等）成日笑我，見我收工就問我『係咪趕住返去湊B呀？』依家有痛腳喺佢哋手！」
黎耀祥被問到是否有份取笑Edwin與翠如的戀情，他說：「我梗係有份啦！我哋幾個感情好好，冇隔膜！（點笑佢？）見位就入啦！成日互窒！」
至於同場的胡定欣則表示劇中與陳國邦的感情線寫實，問到現實中與男友是否與劇情一樣，她即大讚男友很好，但未有結婚打算。
Edwin（左起）笑言經常被好兄弟黎耀祥及陳國邦取笑趕返屋企湊翠如BB。