《寒山潛龍》宣傳活動「舞動潛龍鬧市闖」

新浪娛樂訊 馬國明、李詩韻、林夏薇、敖嘉年往尖沙咀柏麗大道宣傳新劇《寒山潛龍》,眾藝人穿起古裝舞龍巡遊,吸引不少市民和遊客圍觀,但卻令演員熱得大汗淋漓。

http://slide.ent.sina.com.cn/

馬國明強調與Coffee拍情慾戲冇博懵


劇集《寒山潛龍》宣傳。

【on.cc東網專訊】 穿上古裝的馬國明在猛烈的陽光下與一眾劇集《寒山潛龍》的演員在尖沙咀鬧市巡遊造勢,大隊由舞龍開路,他與李詩韻沿途被市民「集郵」,非常熱鬧!他表示不擔心世界盃影響收視,認為該劇內容「騎呢」有趣,適合小朋友觀看。

同江美儀點到即止

提到劇中林夏薇和敖嘉年有不少親熱戲,馬國明大呻與劇中的飾演老婆李詩韻冇親熱鏡頭:「唔知點解監製咁益嘉年,定唔益夏薇,除咗《談情說愛》嗰次,嗰時大家話係鍾年呢個角色最筍。」談及《衝上雲霄II》他被林芊妤(Coffee)胸壓,他解釋:「嘩!冇攬過,乜都冇,只係趴喺我上面,真係冇掂過,好慘呀!(你恨?)唔係,但我不嬲冇乜艷福,(但你同江美儀拍過親熱戲?)我哋都係點到即止,唔係好激烈,都有少少艷福啦!」

撐情侶拍拖平常事

對於Coffee與有米男友「殘廁Gathering」,無綫高層樂易玲有意跟她終止合約,馬國明卻力撐Coffee:「唔係太大件事啫,我同佢唔熟,但拍劇時覺得佢好勤力,對方又唔係有老婆嘅男人,唔使啄得太緊要。(點睇喺公共場所親熱?)聽同事講佢哋係冇做過啲咩,可能有錫嘅,但男未婚女未嫁冇乜嘢啫,好多情侶喺公園、地鐵攬錫都有啦!第時我喺公共場所攬女,大家手下留情!!」談到樂小姐不滿Coffee未有通知公司離開香港,他直言請假必須向公司匯報:「佢有少少大意囉。」

ON.CC

馬國明預告攬女:手下留情


馬國明和李詩韻在炎炎夏日舞龍,希望《寒山潛龍》收視創高峰。

無綫小生馬國明(馬明)、李詩韻、林夏薇及敖嘉年等,昨日大熱天時穿上古裝,搞到大汗疊細汗,在尖沙咀鬧市舞龍巡遊兼派禮物,為新劇《寒山潛龍》宣傳造勢,眾演員沿途被粉絲包圍及「集郵」 。

劇中夏薇和嘉年有不少親熱戲,馬明卻大呻跟「老婆」詩韻冇得親熱。提到在《衝上雲霄II》中被林芊妤(Coffee)胸壓,他笑說:「冇攬過,乜都冇,淨係趴喺我上面,真係冇掂過,好慘!(恨?)唔係,係我不嬲冇乜艷福。」

李詩韻幫撩鼻

馬明又力撐Coffee與有米男「男未婚女未嫁」,在殘廁親熱非大事,大家毋須啄得太緊:「聽講佢哋冇做過啲咩,可能有錫,但好多情侶都喺公園、地鐵攬錫啦,第時我喺公共場所攬女,大家手下留情呀!」

詩韻則透露自度Sweet爆橋段,用手指為馬明撩鼻哥,她笑謂:「戲裏戲外都係第一次幫人撩鼻,我覺得比吻戲更親密,相信觀眾唔會覺得核突,會覺得好cute。」

文:影視組

http://orientaldaily.on.cc

李詩韻幫馬國明撩鼻讚Sweet


李詩韻於戲中幫馬國明撩鼻,佢話咁仲親密過吻戲。

【on.cc東網專訊】 李詩韻在尖沙咀出席為新劇《寒山潛龍》宣傳活動,透露劇中與「老公」馬國明上演「親熱」戲,她笑謂:「我哋係一對好樸素嘅夫妻,戲入面第一次用手指撩佢鼻哥,我覺得比吻戲更加親密,現實中我都未試過。(第時會試吓幫男友撩鼻?)唔會,李詩韻個性格唔會咁做。」她直言撩鼻戲是自己的提議,馬國明也不介意照做,並說:「我覺得好自然、好Raw,喺嗰個角色、環境下可以做,相信觀眾都唔會覺得核突,只會覺得我哋好Cute。(事前叫馬國明清潔吓個鼻?)冇,但拍完後有用濕紙巾抹手。(佢Enjoy?)唔知佢喎。」

ON.CC

馬明坦言有人看不懂《點金》


圖:敖嘉年(前左起)、陳國邦、林夏薇、馬明和李詩韻舞龍巡遊宣傳新劇

馬國明(馬明)、李詩韻、林夏薇及敖嘉年等演員昨日到尖沙咀?麗大道舞龍巡遊,為主演的新劇《寒山潛龍》宣傳造勢,由於眾人以古裝戲服上陣,遇上炎熱天氣,以緻大家都揮汗如雨,並吸引大批市民圍觀。

  馬明為宣傳新劇不怕辛苦,因拍攝時正值炎夏,當時比昨日更辛苦。提到無線另一劇集《點金勝手》收視慘淡,問他會否多做宣傳谷收視?他謂一直都認為新劇出街前的宣傳很重要,也不擔心受世界杯影響,因大家不同時段,不會有直接影響。他坦言有朋友說看不懂《點金》,但他自己就不太清楚,而《寒》劇的劇情較輕鬆,他覺得會適合一家大細欣賞。

  劇中馬明與李詩韻飾演夫妻,但他投訴二人沒親熱戲份,他笑道:「我向來沒有艷福,就算跟江美儀拍親熱戲也是點到即止。」至於《衝上雲霄Ⅱ》他被林芊妤(Coffee)胸壓一幕,他強調當時並沒有任何身體接觸,雖被女方騎在身上,但並沒有觸碰到胸部。對於Coffee因殘廁事件很大機會被無線解僱,他表示與對方雖然不熟,但男未婚女未嫁,很多情侶都會在公眾場合如地鐵、公園等地方親熱,但如果她不通知公司就擅自離港接工作就不對。日前有報道指敖嘉年帶唐詩穎買電單車頭盔而傳出緋聞,他昨日否認道:「跟她一定不會啦,大家相識很多年,見她為拍劇去學電單車,不想她用公家頭盔才帶她去買。」他亦不擔心女友會誤會,因他們已計劃明年拉埋天窗。

http://news.takungpao.com.hk