星級家庭—— 為囡囡搬完再搬 陳國邦羅敏莊暫住之家

早前遇上電話騙案的陳國邦和羅敏莊(Mimi),一直很喜歡住村屋,但前年Mimi懷着囡囡陳禎,阿邦眼見太太上落樓梯相當吃力,決定搵一間有電梯的屋暫住,最後發現大埔滌濤山相當適合,「搵緊屋時,咁啱有同事住喺呢度,去過佢屋企,見環境空氣都好,價錢又合理,咪租住兩年先,本嚟諗住等囡囡出世後,裝修好舊屋就搬番入去住,點知喺西貢搵到間大啲,於是賣咗間舊屋再買過間新屋,喺大埔呢度住多幾個月,等新屋整好就會搬番入去西貢住。」

撰文:杜淑霞 攝影:李權威


五星級貓家 九隻貓貓在屋內可自由出入,同時亦享有私人空間,每位貓貓住客都有獨立單位,但牠們太相親相愛,比較愛同居。

加碼貓廁所 廁所除了是阿邦一家三口用,還有貓貓用,由於家中有九隻貓貓之多,準備三個貓廁所,貓貓就不用爭啦!

房間無階級 由於陳禎只有14個月大,仍要瞓BB牀方面照顧,不過主人套房除了一家三口用,貓貓亦可隨意瞓,無主人寵物之分。

客廳動物園 阿邦和Mimi最近愛上動物擺設,除了放在牆上作裝飾外,放在客廳的長頸鹿,更成為陳禎的玩伴。

廚樂無窮 廚房夠晒寬敞,就算Mimi和傭人一起工作,都不怕逼!

人貓更融洽 Mimi從小向囡囡灌輸愛貓訊息,小小年紀的陳禎,早已習慣跟貓貓和平相處,她更懂得每次回家便跟貓貓打招呼。

媽媽的真傳 Mimi出名愛卡通貓,陳禎亦遺傳了媽咪的愛貓作風,主人房內的大公仔,也成她的至愛。

父女排排坐 客廳唯一自備的家具,就是阿邦的按摩椅和為陳禎特別訂造的私家梳化,看着這對餅印父女一起坐,特別有趣。

婚照作擺設 由於屋主包家具,阿邦一家準備隨時搬,所以將並非必需的物品存放在雜物房,結婚相是僅有的私人擺設。

http://hd.stheadline.com/