【電視風雲】陳國邦遊行無懼秋後算帳: 我哋應該驚個政府多啲

「為了下一代,為了支持創意!媽媽今個星期日都要上街遊行了!」羅敏莊在微博上,這樣對女兒說。今天,羅敏莊不止一個人上街,還帶同女兒,及仍屬無綫人的丈夫陳國邦,一家三口加入香港電視大隊出發,遊行至政總。陳國邦一手撐著太陽傘為女兒遮蔭,羅敏莊則為父女撥扇,非常溫馨。

在一片無綫藝人噤聲的時代,陳國邦勇於向政府黑箱作業、不公義說不,令人動容。問他可擔心TVB秋後算帳?陳國邦謂:「我諗我驚個政府多過驚TVB。我覺得喺TVB唔需要咁多自我審查。有一次同主席食飯(梁乃鵬設慶功宴獎勵高收視劇集),主席都話王生(王維基)都係一個佢欣賞嘅人,佢都唔忌諱講對手,我覺得我哋員工都唔需要咁忌諱,咁驚,我哋應該驚個政府多啲。」陳國邦表示因為事隔一年,只記得梁乃鵬曾表示:「王維基呢個人我都好欣賞。」但詳細內容已記不得:「我想講嘅係,我哋公司最高層,都唔忌諱去講呢樣嘢,咁我哋員工驚咩啫?」

陳國邦表示今日放假,毋須請假遊行,而蘇玉華本來想來,但因為開工而未能出席。但陳國邦重申未有主動邀約任何無綫藝人出席:「我覺得,做嘅係個人決定。我有信心,我唔尷尬我唔會驚啫,咁可能有啲人有啲擔憂,我唔想令佢哋左右為難。老實講可能個心想嚟,又有啲擔憂,雖然未必係真實,但有啲時候有啲擔憂好難講。」


陳國邦帶埋羅敏莊及囡囡齊齊參加遊行,抗議不公。(蘋果日報)

蘋果日報

羅敏莊爆老公陳國邦 囡囡出世後冇咁黑面

【on.cc 東方互動 專訊】 無綫藝人陳國邦抱B與太太羅敏莊現身遊行隊伍。問可會否怕無綫不高興?他表示無綫行政主席梁乃鵬年多前請無綫藝員吃飯時曾表示欣賞王維基,這說明毋須自我審查,他說:「確實句說話同字眼,成年咁耐,我唔記得,但我怕政府多過怕無綫。」問可有約其他無綫員工參與遊行?他表示這是自發性質,沒有約其他同事。


無綫藝人陳國邦抱著女兒與太太羅敏莊現身遊行隊伍。

ON.CC