「太監五虎」合體幫TVB拍節目巡禮
 陳國邦以古裝造型現身。 |
10月10日 18:08
【on.cc 東方互動 專訊】黎耀祥、胡定欣、黃浩然、蕭正楠、曹永廉及陳國邦，以劇集《大太監》原班人馬上陣，為無綫拍攝節目巡禮，黎耀祥與飾演山賊的黃浩然爭奪寶箱，雖然替身代替祥仔拍攝鉸剪腳夾浩然戲份，但祥仔仍拍到身水身汗，他笑言：「大家錫住我！」
黃浩然又赤膊上陣又吊威吔，非常搏命，他表示相當高興「太監五虎」再度埋班，對這個團隊有十足信心，對收視沒有壓力，因為大家已成有傾有講的兄弟，最緊要玩得開心。
曹永廉賀唯唯有餡後婚
 「太監五虎」為無綫拍攝節目巡禮。 |
10月11日 21:47
【on.cc 東方互動 專訊】 「太監五虎」黎耀祥、曹永廉、陳國邦、蕭正楠及黃浩然為無綫拍攝節目巡禮，劇中飾演打鐵太監的曹永廉，將於本月16日生日，他透露屆時會跟老婆仔女簡單食 飯慶祝，亦預知老婆不會送禮物：「都幾十歲啦！通常會捐少少錢做善事。」談到梁烈唯與女友Tina入紙登記結婚，阿廉即恭喜二人：「佢掉轉程序OK，我嗰 時都係掉轉程序，有餡先結婚。（佢否認女友有咗？）其實都知佢一早計劃，佢對女朋友真係好好，開工成日提住女友，好錫佢，結婚好呀！大個仔喇！」
去年憑「三順」一角而引起極大回響的陳國邦，坦言對得獎沒有信心，而蕭正楠則透露「太監五虎」開拍此劇前，會先原班人馬開拍一套時裝劇：「叫《太監1.5》，不過仲未確實。」
祥仔頂唔順動作戲 驚要提早退休
 |
 陳國邦條紅底好搶眼 |
舊年播嘅《大太監》口碑算唔錯，今年無綫節目巡禮由原班人馬拍攝《太監五虎》，今日黎耀祥、胡定欣、蕭正楠、陳國邦同黃浩然去到錦田取景，故事由慈禧駕崩後開始，佢哋走出皇宮發現清朝遺留嘅大寶藏，於是化身馬賊、西裝大賊同國民黨黨員兼警察去奪寶，仲有連場動作場面。
49歲嘅祥仔寶刀未老，同着背心露胸肌嘅黃浩然都有吊威吔鏡頭，祥仔喺草地走嚟走去，大汗叠細汗，身手靈活。有人提議祥仔食住條水拍動作戲，佢耍手擰頭話：「嘩，我驚食得唔長遠喎，食兩日就退休喇！我年紀大，今日咪當做桑拿減肥，返去實瘦兩磅。」
曹永廉同蕭正楠最舒服，簡簡單單拍一場斷背戲。唯一女將胡定欣就要騎馬上陣，佢話以前有學過，但人大咗細膽咗。熱身一輪後，定欣話：「好好玩，上一集講我係死咗，唔知將來個故事會點安排。」