羅敏莊爆老公陳國邦 囡囡出世後冇咁黑面

羅敏莊(Mimi)今日喺中環接受王賢誌嘅now節目訪問,Mimi同老公陳國邦嘅囡囡依家10個月大,Mimi為咗照顧囡囡,日前同無綫約滿後冇再續約。

Mimi 話雖然有犧牲,但為咗囡囡都值得,佢話囡囡出世後老公變化最大:「同事都話佢以前黑口黑面,依家多嘢講咗,可能成日氹囡囡玩。」Mimi話囡囡個樣似足老 公,依家開始學講爸爸,冧到喺內地拍劇嘅老公好開心,問佢會唔會再追?Mimi話:「要睇經濟,不過最近有個朋友話我3年後會生多個仔,仲話個女已經係我 福星,個仔仲犀利,不過到時先算啦。」Mimi話生完後唱歌把聲差咗,希望之後調理返會冇事。


羅敏莊話囡囡勁似老公陳國邦,睇下個側面先!

蘋果日報