陳國邦打通宵腳掌受傷
 陳國邦羅敏莊夫婦恩愛出席活動。 |
[18:40] 2013/06/22
【on.cc 東方互動 專訊】 藝人陳國邦、羅敏莊夫婦與寶佩如夫婦出席婚紗店開張剪綵禮，陳國邦當時一拐一拐，表示拍攝《寒山潛龍》時，日打夜打，連幾時受傷都唔知，之前拍通宵，發覺腳掌腫起，先搽跌打酒頂檔。羅敏莊之前出席雷頌德作品演唱會上展歌喉，大獲好評：「好似我呢嗰歌星仔，冇諗過可以踏上紅館舞台，多謝雷頌德畀個機會我。」羅敏莊曾出過十張細碟，多是翻唱別人的歌，就算雷頌德肯為佢寫歌，在唱片市道低迷時期，亦冇信心賺錢。
而同場的寶佩如結婚兩年多，正與夫計劃在港收養混血兒，其夫想收養個似喬寶寶o既女，寶佩如想要仔，夫婦暫時未有共識。