愛心屋 陳國邦羅敏莊
 開揚客廳 陳國邦同羅敏莊結婚四年，去年 10月在羅敏莊懷孕時，一家三口由西貢搬去現址。客廳景觀開揚，是兩夫婦湊B及玩貓的地方。 |
結婚 4年的陳國邦與羅敏莊（ Mimi），家中養了 9隻貓，是娛圈出名的貓癡。去年羅敏莊為了女兒陳禛和愛貓有更多活動空間，在生 B前一家人搬入位於大埔半山區的滌濤山。搬入新居，女兒出世令陳國邦父愛氾濫，但兩夫婦愛貓之情並未改變。
陳宅是3房2廳的一千呎單位，一家三口與九隻貓咪就在這裏築起他們的溫馨小天地。陳國邦在鏡頭前後一向沉默寡言，但對住囡囡陳禛，卻父愛大爆發。在訪問過程中，羅敏莊不時哼着兒歌，陳國邦就瞇起雙眼將女兒抱起，逗得7個月大的陳禛笑個不停。
陳國邦同囡囡沖涼、換片都好熟手，認真廿四孝，而羅敏莊就笑說：「囡囡好有音樂感，我哋成日都會對住囡囡唱兒歌，佢個身就會跟住節拍咁郁，所以我哋特登將iPad掛喺BB牀尾，等佢無時無刻都睇到卡通及音樂！」
去年陳國邦專登考船牌，都是希望日後可以自己親自揸船同囡囡共享天倫樂，多點接觸大自然。「以前住西貢，成日都同老婆同村民出去游水。我好享受出海，依家考咗個船牌，就可以揸船帶老婆同囡囡出海玩。考船牌最主要都係考海上知識同守則，不過我依家考嗰種只係最低級嗰隻。」陳國邦說。
動物王國 | 回憶飯廳 |
 大廳外望一片綠油油，梳化及電視旁又放了不少從台灣買的動物擺設，很有大自然感覺。 |
 兩夫婦喜歡到唔同嘅地方看歌舞劇，飯廳的雪櫃上貼了不少二人拍拖時一起看過的歌舞劇，如《 Billy Elliot》及《 Wicked》的紀念磁石。 |
夫妻書房 | 溫馨睡房 |
||
 書房中放了兩個大書櫃和囡囡的日常用品。陳國邦說：「我好鍾意睇歷史書、科學書。我係尋根究柢嘅人。」而羅敏莊亦收藏了不少烹飪書和手工藝書籍。 |
 可替 Hello Kitty換不同衣服的公仔盒是羅敏莊的寶物：「我十幾年前買，算得上係古董，我決定留番俾陳禛玩！」 |
 BB牀在主人牀旁邊，方便兩夫婦照顧。部分貓貓晚上都會上牀睡，令主人房十分熱鬧。 |
 囡囡陳禛對音樂比較敏感，因此特別在 BB牀尾掛上 iPad，可以播唔同嘅卡通及音樂俾囡囡睇。 |
一家十二口
 |
陳宅還有 9隻貓咪。去年初，羅敏莊意外懷孕，兩夫婦即使在親戚朋友反對下，仍堅持與愛貓生活。不過當記者到訪，多數貓咪都怕羞地躲起來，影不到九隻合照，只有「細貓」跳上梳化撩羅敏莊玩。
羅敏莊說：「『細貓』係我同老公收養嘅第一隻貓。以前我哋住西貢，『細貓』成日跟住我哋，後來知道佢冇人養就帶咗佢返屋企。『細貓』係屋企嘅 PR，唔驚人，一有客人來都會幫手招呼，好聽話！」
陳禛出世後，兩公婆雖然比以前更注重家居清潔，每日至少吸兩次塵，但與貓咪相處方式一切如常，夫婦照樣和貓咪同牀睡覺，用行動令貓兒明白，陳禛這位新住客並沒有分薄主人對牠們的愛心。
「我唔認為生小朋友同養寵物有衝突，只要做好清潔就 OK。囡囡出世之後都同貓咪相處得好開心，我唔覺貓咪有呷醋。我兩公婆冇分隔囡囡同貓咪，陳禛會主動同貓咪玩，佢摸完貓咪隻手有貓毛，我哋咪第一時間清潔囉。其實等囡囡多啲接觸小動物，可以培養佢嘅愛心。」羅敏莊說。
看來，一班「舊屋主」同陳禛呢位「新住客」相處融洽，羅敏莊夫婦飲得杯落！
格仔貓竇 | 細佬 | 小寶 |
 和羅敏莊玩緊的，是她收養的第一隻貓「細貓」。身後的貓架是貓貓的安樂窩，旁邊的圓柱亦是貓貓爬上爬落的玩樂區。 |
 「細佬」是陳宅第二隻貓，「細佬」來自流浪貓協會，收養的時候才 3個月大，與家中的另一隻貓「妹妹」是兩兄妹。 |
 波斯貓「小寶」是羅敏莊買的，牠是少數不怕生暴的貓貓，飲水時仲不忘昅住記者，是陳宅半個保鑣。 |
三格貓廁 | 齊全廚房 | ||
 三個貓廁並排放埋一齊，九隻貓每隻每日至少開一次大，好在有工人專責服侍。 |
 為免餓親貓貓，呢部貓餵飼機定時定候會放出貓糧，貓貓會自動波行埋去開餐。 |
 |
 看外形以為左邊是一部搾汁機，其實是一部 soup maker，可以把所有材料放進後打碎並煮成薯仔湯、南瓜湯等，羅敏莊也是用它煮粥給囡囡陳禛食。右面這部則是搾汁機，可用來搾橙汁俾陳禛飲。 |
撰文：張樂施
攝影：李梓軒
錄像：盧芷斌