陳國邦為食貓好易氹

藝人陳國邦是圈中出名的愛貓之人，家裡養了多隻貓咪，但拍攝當日只見到「細貓」和「小寶」，原來其他貓咪都躲起來了，國邦說：「貓科動物自我保護意識好強，佢哋習慣潛行，其他嗰7隻一件生保人就會冇晒影，不過『細貓』係我屋企嘅公關，唔驚人，仲好黐人添！」

家裡的9隻貓，有兩隻是太太羅敏莊認識他前買下，其他全是收養的：「9隻都唔係好多，如果唔係老婆叫停，我會繼續收養！」問到為何那麼喜愛貓？他說：「養貓只要付出好少時間，就會有養狗嘅效果，同埋佢哋望住你好似望住情人一樣！（囡囡出陳禛出世後，會忽略貓貓？）咁一定唔會，我哋有兩個人，老婆照顧囡囡嗰陣，啲貓就埋嚟我度！（貓同BB相處到？）冇問題！我成日都話寵物同BB唔係對立嘅，當然曾經有試過動物抓傷BB，不過我唔希望以偏概全，我唔擔心亦因為我熟悉我啲貓嘅性格！」

當攝影師哥哥想盡辦法叫「細貓」望鏡頭都不得要領時，國邦即使出「撒手鐧」攝影師哥哥再埋位時大嗌：「食Mum Mum喇！」「細貓」即望鏡頭！不過貓貓是十分聰明的動物，這招只限使用兩次，第三次就不會再上當了！