羅敏莊誕7.3磅「長腿姐姐」

陳國邦與太太羅敏莊的女兒陳禛出世了!榮升爸爸的陳國邦昨開心公布重7.3磅的囡囡外貌似老婆,更獲護士大讚是位「長腿姐姐」!他又直言日後會追多個BB陪女兒。

藝人羅敏莊(Mimi)昨日上午8時許在浸會醫院剖腹誕下女兒陳禛(英文名Jan),重7.3磅,眼大大之餘,更獲護士大讚擁一雙「修長美腿」!問Mimi可有激動落淚?他說:「佢有抹眼囉,仲話人哋BB喊好煩,但自己BB嘅喊聲就覺得好可愛。我都有入去剪臍帶,最緊張係驚把鉸剪跣手篤親BB!(追多個?)有諗過1、2年後再生,等囡囡多個伴成長,不過隨遇而安啦。」


陳國邦、羅敏莊與剛出生的BB女陳禛來個一家三口合照,溫馨滿瀉。

陳國邦與母親到醫院齊齊探望羅敏莊母女。

改名陳禛 就晒老婆

問BB似爸爸還是媽媽,陳國邦笑言有8成人認為愛女似媽咪,並謂為BB女取的中英文名,是因老婆喜歡李小龍於電影《精武門》飾演的角色「陳真」及Jan(林海峰),果然是圈中「愛妻號」。初為人父的陳國邦透露老婆與奶奶通電話時喊爆,又指二人均不是後生仔,故身心已成熟去迎接小生命。

12月復工 內地搵銀

對於Mimi產後何時復出,陳國邦稱太太不會減少幕前工作,12月更會復工到內地表演,並希望日後進出工作一家三口都能黐到實,讓囡囡多接觸外界,擴闊視野。問Mimi可會積極收身示人?他說:「收身會減少營養,而佢會餵人奶,況且唱歌唔收身都唱到,佢唔會介意。」另外,Mimi昨午在微博上載產後臥床舉V手照,並留言「任務完成!」公布喜訊,十分抵死。

文:影視組

東方日報

羅敏莊囡囡陳禛重7磅

2012年10月30日 (09:24 pm)

37歲o既羅敏莊今日剖腹誕下愛女陳禛,小B女好健康,重7磅3,仲中氣十足,一出世就擘大個口,好似學媽咪唱歌一樣。

陳國邦陪o左老婆入產房,佢負責剪臍帶,話B女臍帶似足生腸:「好感動,B女個名係我改,祈求上天畀女兒好大幸福。」阿邦講明想係兩年後再追多個。


羅敏莊陳國邦兩公婆同BB係產房留影。
 
覺覺豬,對BB係好重要o架
 
BB女一出世就中氣十足

蘋果日報即時新聞

羅敏莊生女即賺


順利生產 微博圖片

娛樂圈爆生女潮,黎姿同朱茵啱啱先生完B女,37歲嘅羅敏莊噚日亦都剖腹誕下愛女陳禛,小B女好健康,重7磅3,個樣似足縮水版嘅媽咪,仲中氣十足,一出世就擘大個口,好似學媽咪唱歌一樣。有陪老婆入產房嘅陳國邦就負責剪臍帶,阿邦話B女臍帶似足生腸,佢話:「好感動,B女個名係我改,祈求上天畀女兒好大 幸福。」阿邦講明想喺兩年後再追多個,升呢做爸爸嘅阿邦提起愛女就好雀躍,因為無綫《東張西望》嚟咗採訪,所以愛女一出世就識賺騷錢,真係好好腳頭,就連阮兆祥都爭住認做B女嘅契爺o忝。

此外,臨盆在即嘅孫燕姿如無意外應該會係噚晚或今日生得,佢媽咪前晚喺Twitter預告:「現在全家都很緊張地期待。」令唔少粉絲都等得好心急。撰文:洪紅克

蘋果日報

羅敏莊剖腹 誕7.3磅鬈髮B女

【明報專訊】恭喜!恭喜!羅敏莊昨晨剖腹誕下與陳國邦的愛情結晶品「小龍女」陳禛,重7.3磅。B女天生鬈髮似媽咪,還有一雙長腿。羅敏莊笑說:「囡囡是長腿姐姐,希望將來似陳敏之click me有43吋長腿。」


羅敏莊與陳國邦的愛女陳禛昨晨出世,一家三口幸福滿瀉。(微博圖片)

羅敏莊囡囡陳禛喊聲大,被指遺傳媽咪的歌喉。(微博圖片)

陳國邦陪產剪臍帶

羅敏莊昨晨8時半左右,在醫院剖腹誕下7.3磅囡囡陳禛,她於中午在微博宣布喜訊,上載自己躺在病脇的照片,並喜悅地說:「任務完成!」老公陳國邦入產房剪臍帶,他最擔心是跣手便整傷囡囡。他與羅敏莊看到囡囡誕生很開心,他感到家的意義又更加深厚。

期待似陳敏之長腿

羅敏莊最感動是見到老公抱覑囡囡,那個畫面好幸福;還有過往她可能聽到別人的BB喊有煩的感覺,但自己囡囡喊卻覺得好可愛。很多親友探過囡囡都說有8成似羅敏莊,她說囡囡鬈髮似她,又是長腿姐姐,期望大個像陳敏之有43吋長腿。提到囡囡拍照時張大口好趣致,原來喊聲也相當大,被說可能遺傳媽媽的歌聲。

出世前改定名「陳禛」

陳國邦與羅敏莊在囡囡出生前已改名陳禛,陳國邦解釋因羅敏莊鍾意陳真,又欣賞李小龍、梁小龍的演繹,但改名時未知BB性別,故改了較中性的名。

娛樂組

明報新聞網

羅敏莊誕千金 老公剪臍帶

2012年10月31日

  羅敏莊昨晨在醫院剖腹誕下重7.3磅的女兒陳禛(Jan),她分娩後躺在脇上高舉勝利手勢,並將相片上載到微博留言道「任務完成」!羅敏莊坦言BB出世令她感動得眼濕濕,老公陳國邦則陪產兼親為女兒剪臍帶。陳國邦說遲一步才考慮再追多個,羅敏莊會盡量嘗試餵人奶。陳國邦坦承心情興奮兼感動,女兒出生後哭聲洪亮,大部份人看到BB說似媽咪,唯一似他的是單眼皮。


※羅敏莊與陳國邦的千金昨晨出世。
 
※羅敏莊與陳國邦的千金昨晨出世。

頭條日報