羅敏莊嘅預產期係11月，陳國邦做跟得老公護駕。

兩位準龍媽羅敏莊同文頌嫻噚日腹大便便現身灣仔會展嬰兒展覽，羅敏莊11月預產期，噚日老公陳國邦不惜貼心照料，全程傍實左右，幸福滿瀉，而8月底臨盆的文頌嫻則明顯腫脹肥大，仲笑自己論盡，羅敏莊話：「以前大家做女時都好瘦，冇諗過會突然咁大個肚，之前 Toby（梁靖琪）結婚我哋仲同枱坐。」接着文頌嫻竟講笑話：「我計過喺嗰日受精。」

陳倩揚追第二胎

兩位準媽媽同樣陀女，份外投緣，同樣決定會餵母乳，又公開研究餵人奶情況，話有朋友介紹搵人按通乳腺可以令人奶流得更暢順，文頌嫻仲驚爆：「聽過朋友講多到唧畀老公冲凉都得，因為多少唔關胸大細事，係乳腺問題。」羅敏莊即刻笑住話：「好 AV喎，好啦，如果到時有咁多就畀老公冲凉啦。」

已為人母嘅陳倩揚就喺另一單位分享育兒心得，示範湊初生嬰兒畀現場準媽咪睇，陳倩揚都有意再追第二胎，但要搵多啲錢先，話衣家 BB已經識叫媽媽，仲成日眨眼電佢。

蘋果日報

攝影：游艾維

2012-08-03 (21:08)

預產期於十一月的羅敏莊(MiMi)，與文頌嫻出席嬰兒用品活動，兩位準媽咪相互交換陀B心得，談到餵哺母乳，MiMi表示透過按摩乳線可增加奶水，文女即笑言：「我有朋友的奶水多到可以給老公沖涼。」MiMi則戲言如果將來奶水足，便可給老公陳國邦沖涼。

頭條日報網即時新聞