賀老友生日 羅敏莊秘製壽司蛋糕食得蠔

吃生日蛋糕,來來去去離不開朱古力、芝士及生果幾種餡料,有沒有想過吹完蠟燭,一刀切落一個壽司蛋糕,入口是啖啖刺身的美味。如此有特色的蛋糕,已經夠新鮮驚喜,若嫌未夠,可以再Order即叫即開的肥美生蠔,真是一個Happy Birthday。

羅敏莊是圈中有名的廚藝高手,對食更是有要求,除要新鮮好味還要抵食,經常捐窿捐罅搵食的她,近日發現旺角自由道一間壽司刺身外賣專門店,不論壽司或是生蠔,都是即叫即做即開。當她發現還有壽司蛋糕預訂後,更即席拜師學藝,跟Ken師傅炮製壽司蛋糕賀老友,她說:「個朋友不知幾開心,因為第一次食壽司做蛋糕,覺得我好有心思,食完仲唔使食飯,夠晒喉。」

這裡還有一個特色,就是將堂食的套餐概念帶進外賣店。當中有Set A到Set D,配搭多多,買返公司做Lunch或是放工回家做晚餐 ,都不失為一個Good Choice。

場地:勝之道 查詢電話:2246 8661

羅敏莊細心地跟Ken師傅學整壽司蛋糕。 脹爆蠔
香港食新鮮生蠔通常都是食得豪,但「勝之道」的生蠔款式多之餘,價錢更是抵食,由$25到$38元一隻都有。客人揀完即叫即開,非常新鮮又肥美。由美國大西洋蠔,以至澳洲、新西蘭和日本熊本蠔都有。
除夕拼盤大陣容
看看這個龐大陣容,有40多件壽司,款式不同,加埋刺身拼盤,只是$288的4至6人拼盤套餐,還包括4罐汽水,如此豐富,分分鐘6個人都食到捧住個肚走。除夕或派對拼盤亦有2人套餐,價錢$68,晒過二人世界的情侶。

壽司蛋糕魚生層層疊做法

27/12/2006
文: 雪琪

1.用飯糰做好蛋糕底層後,便以白肉豚、三文魚及藍鯕吞拿做餡底,單是這層餡料已經好抵食。

2.接著以魚卷做裝飾,再加上喜歡的生果。一般可配搭壽司味道的生果有果、牛油果及士多啤梨。

3.再加魚生、芝士蟹子做面層,配上用朱古力或沙律醬做的生日牌,大功告成。

4.吃了多年西式蛋糕,是時候換個新口味,鋪滿魚生的日式蛋糕,給壽星仔女一個驚喜。

招牌菜內容豐富
叫「勝之卷」,即是招牌菜。有甘蝦、三文魚及三文魚子,加埋海膽,咁大堆頭都係$38咋!
完成 店內有兩張檯給客人堂食,羅敏莊和男友陳國邦Order到一檯食物,有女友餵食生蠔,阿邦簡直甜到漏。

香港 太陽報 http://the-sun.orisun.com/