羅敏莊男友放水

藝人經營副業都司空見慣，搞飲食、開時裝店乜都有，但好似羅敏莊咁，開間專賣HelloKitty的精品店，都算特別。

上星期一（九日）下午四點《壹》仔路經觀塘apm，見到羅敏莊成個老闆娘咁款，企在櫃位等收錢。由於成間鋪的裝修都以搶眼粉紅色為主，加上四圍都係HelloKitty公仔，吸引到唔少Kitty迷入去。不過，客人多數係齋睇唔買，事關一條Kitty電話繩，動不動要六、七十蚊，一點都唔平。

八珍聽聞羅敏莊今次從商，係男友陳國邦拿出六位數字私己錢支持，加上有做開精品店的朋友夾份投資，造就羅敏莊榮升老闆娘。間鋪只係開了個幾月，賺蝕仲未知，但有男友力撐，羅敏莊已經有賺。

羅敏莊同陳國邦拍拖多年，男友科水俾女友過老闆癮，果然恩愛。

雖然一得閒就落鋪幫手，但剛剛同TVB續藝員約的羅敏莊話絕對唔會放棄演藝事業。

羅敏莊間鋪位於apm，開業前曾因為裝修問題，搞到延遲開張。