雖然如此，他們很抗拒以私人感情做宣傳，所以從不一起接受傳媒訪問，今次何以破例?

為套劇囉!

剛播映的新劇《雲海玉弓緣》可說是他們的媒人，皆因他們是合作此劇「撻著」的，拍攝期間，一個繼續做「酷小生」，另一個依舊發揮「撩人」本色，豈料「線路」一tune即合。

Mimi說:「我係一個佻皮o既人，o係錄影廠成日搗蛋、搞事，周圍撩人傾偈，我覺得呢個人 (陳國邦) 好吸引我，佢成日自己一個人坐埋一邊睇書，又唔多出聲，所以咪撩o下佢傾偈囉!」

我係大大師兄!

阿邦又謂:「我同佢在劇中有好多對手戲，於是由傾劇本同角色開始，再傾o下私人o野，好自然地就拍起拖o黎，但係就好難講係由幾時開始對對方有感覺。」阿邦對於二人的戀人關係由何時正式開始，只能說是順其自然。他補充說:「我o地兩個都係演藝學院出身o既，我係大大師兄，所以關係好微妙，就好似劇中另一演員周暘，有一次佢o係錄影廠叫我大師兄，原來佢又係o係演藝畢業o既，彼此間有一份友情根基，係師兄師妹o既關係。」

所以，阿邦同Mimi之間話題特別多，隨時隨地都可以傾個沒完沒了。

直認崇拜阿邦!

可是，在別人面前，阿邦卻似另一個人，有次劉曉彤就對Mimi開玩笑說:「你男朋友唔講o野，佢啞o架!」

但Mimi即帶著維護兼替男友澄清的口吻說:「其實只係話題唔o岩o者，只要有共同話題，佢就會有好多o野講。我都幾鐘意聽佢講o野o架! 例如佢以前點捱法，讀書o個陣點辛苦，我覺得好好聽，從中學到好多o野。」

原來阿邦曾經半供讀，期間做過多種工作，他說:「我讀書時做過好多o野，例如酒吧、帶位、落貨等等，所以對於多個行業都有一點認識，也累積了一些戲行以外的真實經驗。」

亦因如此，Mimi愛聽阿邦講的故事，覺得他有如一個資料庫，說到她崇拜男友，她也直認:「我覺得任何一對男女拍拖，當中唔多唔少都對對方有點崇拜。」

阿邦愛情理論!

至於阿邦何以對Mimi動情，他這麼說:「佢個人好囉! 我鍾意佢因為佢對我好。點至叫好? 如果你想知你o既情人對你好唔好，只要你睇o下佢俾佢鍾意o既還是你鍾意o既o野俾你就可以知道，如果佢對你好，佢一定會俾你鍾意o既o野俾你!」

阿邦固然覺得Mimi將他鍾意的給他，而Mimi的感覺又如何?

「佢奉獻o左佢俾我就得o架喇!」

咁就係! Mimi鍾意阿邦，阿邦將自己整個人都送給她，難怪Mimi滿意足到極點!

戲假情真!

在《雲海玉弓緣》中，阿邦與Mimi角色的性格與現實中的他們剛好相反。

o係劇中我同陳國邦係一對鬥氣冤家，後期仲成埋親。平日健談的Mimi簡單的介紹她的角色，相反，寡言的阿邦則作了很詳盡的描述。「江南 (劇中角色) 係一個孤兒，不知父母是誰，只有養父母，他自小有如流民般在市井混，養成機會主義者的性格，後來到少林寺學武，目的是想做英雄，從而提高生活質素，但少林寺的生活很辛苦，他偷學了一些武功後便離開，直到遇上林峰飾演的金世遺，發覺他武功高強，於是想拜他為師，並建立了亦帥亦友的關係……感情方面，他與金世遺闖蕩江湖期間認識了Mimi飾演的李沁海，見她暗戀師傅，便時時叫佢行開，免她阻住自己學武，豈料後來發現李沁海原來是一個很適合自己的人……最後有情人終成眷屬，還拜堂成親。」

拍那場成親戲時，他們會不會特別多幻想，希望不久將來挽著對方的手步入教堂?

「結婚」二字對這對情侶而言似乎言之尚早，二人也暫時未想到這一步，但幻想倒是有的，阿邦直言:「係有幻想o既，我o地 (演員) 叫呢o的做 emotional memory 或者 substitution，即係用乜o野o黎替代……」

可能聽日分手!

而Mimi卻開玩笑的說:「可能聽日分手呢!」

大家莫以為Mimi說話中藏有甚麼含意，查實她是有意將話題撐開才真! 因為，從她的言談表現，小記覺得她鍾意阿邦已經鍾意到入心入肺，例如，考她關於阿邦的事，她第一個反應便說:「呢o的o野對我有難度!」

諸如對方喜歡吃甚麼味道o既蛋糕、去茶餐廳一定叫甚麼東西、「老地方」在何處、喜歡吃甚麼生果……她都能即答出來。

你的一切都是對的!

此外，訪問期間，阿邦的說話、所提出的一些道理、對事物的觀點，在旁的Mimi都表現得十分認同，還不時點頭附和，一派「你的一切都是對的」表現。

如果說Mimi對阿邦有點迷戀似乎過分了一點，或者應該說他們實在太o岩 key，從眼神和言談間，小記也感覺到Mimi對阿邦的佩服和崇拜，實在是打從心裡流露出來的，難怪她終於還是吐出一句:「你講乜o野都o岩o架啦!」

真箇是在旁的都感覺到他們甜到膩的愛情感覺呢!

同樣愛鍚fans

雖然Mimi與阿邦並非甚麼偶像明星，但正所謂有麝自然香，所以她們的努力都看在觀眾眼裡，而他倆的個人網站，亦不約而同是由其忠實影迷所設立的，阿邦說:「我有一個網站係由一個台灣影迷為我設計的，而網內幾乎所有資料都是由我提供，所以準確性較高。」

Mimi又謂:「我個fans花o左好多心機落我個網頁上，如果可以介紹俾多o的人知道，多o的人欣賞到佢o既心思，相信佢都會好開心。」

小記又搵到阿邦同Mimi o既共通點，就係兩個都咁愛鍚fans，亦同樣咁欣賞fans為自己付出的努力，真係天生一對!

如果大家都有興趣，亦不妨click入去佢o地o既網站睇睇，諸如二人如何入行、有乜興趣、拍過乜o野劇集、電影、出過乜o野唱片……，總之有關二人的舊聞及新動向，統統有齊，而且大家仲會發現自二人拍拖後，兩個網頁有不少文字及圖片是完全一樣的呢!

生日與劇集首播同日

今年的十二月三十日對羅敏莊有著特別的意義，皆因這天不但是她的生日，還是她與阿邦有份演出的劇集《雲海玉弓緣》首播的日子，如果該劇收視理想，對她而言就有如得到一份可貴的生日禮物呢!

o拿!呢場就係佢o地o既成親戲喇! 幾時至有得睇? 劇集後段至出現! 大家俾o的耐性啦!

心有靈犀弄傷手

其實於《雲海玉弓緣》拍攝期間，他們已有親密表現，事有湊巧，探班當日，阿邦不慎手上中刺，要搵藥水膠布，可惜當日小記幫不上忙。

而今次訪問當天，Mimi手指亦有損傷，一到步即問小記有沒有藥水膠布，於是小記回寫字樓拿取，接過藥水膠布後，阿邦立即好細心咁替Mimi貼上。

Mimi再闖樂壇

曾經在樂壇發展了一陣子的Mimi，最近再獲賞識，獲唱片公司邀請灌錄一系列動聽舊歌，目前她正忙於為唱片錄音，喜愛她的歌迷，要密切留意唱片「出街」日期喇!

以上圖文來源:TVB周刊293期，凱倫SCAN